Do problema ao sistema.

• anchos715 comprobacións · 343 liñasQue ningunha páxina se saia a lo ancho en ningún tamaño de pantalla, dun iPhone SE a un monitor grande, e que dentro de cada páxina non quede nada cortado polo canto da súa propia caixa — que é onde se agochaba a sinatura partida da portada.
• cifras56 comprobacións · 248 liñasQue as cifras publicadas coincidan coas contadas sobre os repositorios: se na pantalla aparece un número que non sae de aí, a proba sinálao.
• contraste150 comprobacións · 349 liñasQue todo o escrito se lea. Mídese o texto pintado de cada páxina —coa transparencia que herda e sobre o fondo que de verdade ten detrás— contra o nivel máis esixente da norma.
• entrada90 comprobacións · 203 liñasQue a primeira pantalla —cabeceira, titular, entradiña e o botón para falar dun proxecto— caiba sen esvarar, dun iPhone SE coas barras postas ata 1920×1080, e que non caiba a costa de recortar nada polos lados.
• entrada-desnuda54 comprobacións · 249 liñasQue a portada estea plantada no seu papel e ocupe o ancho desde o primeiro instante aínda que os estilos cheguen tarde, que é o que pasa nun móbil coa caché fría, e que ningún vídeo nin ningunha imaxe dependan deles para encaixar: sen isto abríase en branco, ou coa imaxe ao seu tamaño real, máis grande que a pantalla.
• interfaz19 comprobacións · 249 liñasQue os detalles de manexo que non se ven ata que fallan sigan no seu sitio: que ao tocar un botón no móbil non quede aceso, que o menú abra no momento de apertar e se percorra coas frechas, que arrastrar sobre un botón non pinte o texto de azul, que ningún campo sexa tan pequeno que o teléfono faga zoom ao escribir e que ningún adorno quede cunha pulsación que ía a outro sitio.
• lingua271 comprobacións · 185 liñasQue castelán e galego digan o mesmo: que cada páxina teña o seu espello, que o selector cruce á páxina que toca e que as cifras coincidan nas dúas.
• movimiento63 comprobacións · 504 liñasQue o movemento sexa sempre un adorno e nunca unha espera: que se apague enteiro se se pide movemento reducido, que o compás sexa o mesmo en todo o sitio, e que nada tarde tanto en aparecer que o visitante chegue antes có contido.
• menu40 comprobacións · 182 liñasQue desde calquera páxina se poida chegar a todas as demais, e que ningunha ligazón do menú apunte ao baleiro.
• menu-portada20 comprobacións · 124 liñasQue o menú se poida abrir e pechar co teclado, que o foco non se escape do panel e que se poida saír con Escape.
• marea16 comprobacións · 146 liñasQue o paso dunha páxina a outra non dea un salto brusco, e que a lingua elixida non se perda ao seguir navegando.
• estaciones33 comprobacións · 188 liñasQue todas as páxinas pisen o mesmo chan e que cada territorio conserve a súa cor de acento, comprobado sobre a cor realmente pintada.
• acordeon15 comprobacións · 142 liñasQue o que está pregado se poida abrir con teclado e que o seu contido estea no HTML aínda que estea pechado — escondido non é o mesmo que ausente, nin para unha persoa nin para un buscador.
• dibujos1 comprobacións · 130 liñasQue o carballo da portada se vexa e non quede en tinta sobre tinta: lense os píxeles do lenzo e mídese o contraste do pintado co fondo que ten detrás.
• clips-portada133 comprobacións · 180 liñasQue as tres webs que se moven nos proxectos da portada sexan vídeo de verdade e se porten: sen son, en bucle e dentro da páxina nun iPhone; coa súa imaxe fixa no HTML antes de que chegue ningún byte de vídeo; que se movan só mentres están á vista e paren ao saír dela; que non se movan se se pide movemento reducido; e que cada unha descargue un só ficheiro, non dous.
• viento10 comprobacións · 212 liñasQue a folla que cruza a pantalla de cando en vez non apareza nunca se se pediu movemento reducido, e que non gaste batería cando non hai ningunha en voo.
• pruebas13 comprobacións · 163 liñasQue esta mesma lista sexa exacta: que estean todos os comprobadores que existen, que non se anuncie ningún que non exista, que a versión galega diga o mesmo e que a data de abaixo non sexa máis vella que o código que di ter probado.

O mesmo tipo de comprobacións prepárase nos encargos que o necesitan, co alcance que se acorde en cada caso.