Ir ao contido

GalegoES

Carballo Estudio
033 pezas construídas

Proxecto 03 · Seguros · axente exclusivo de SegurCaixa Adeslas

ACV 21

Unha web que presenta os seguros, un formulario que adapta as súas preguntas ao produto elixido e un panel para organizar tarefas e seguimento na oficina.

Encargo
Captación de clientes e xestión da oficina
Localización
Nigrán, Pontevedra
Estado
Web publicada
Ver a web en funcionamento → (ábrese nunha lapela nova)Falar dun proxecto

Do coñecemento comercial ao percorrido dixital

  1. Captar

    Web pública

    Contidos sobre cada seguro, escritos desde como se explica na oficina.

  2. Recoller

    Formulario de orzamento

    Pide primeiro os datos básicos; o detalle, só cando corresponde.

  3. Traballar

    Panel da oficina

    O traballo da oficina e o dos seus colaboradores, nun só sitio.

Cada solicitude chega coa información necesaria

O construído, en imaxes

Web públicaacv21.es
Taboleiro de tarefas do panel da oficina de ACV 21: os contadores arriba e tres columnas —pendente, en curso e feita— con tarefas de renovacións, recibos, sinistros, altas e campañas, cada unha coa súa prioridade, o seu cliente e o seu ramo, a súa data e o seu responsable.
Panel da oficina · tarefasInterface real, con datos de mostra
Ficha dun seguro de saúde na web de ACV 21: nome, coberturas nunha liña, prezo orientativo desde e os botóns para pedir prezo ou escribir por WhatsApp.
Unha ficha por produto
Unha páxina por necesidade na web de ACV 21: o seguro de saúde con psicoloxía incluída, coa súa explicación e o formulario curto á dereita.
Unha páxina por necesidade
O formulario de orzamento de ACV 21 no ordenador: «Pídenos tu oferta personalizada sin compromiso» e os oito tipos de seguro para escoller.
Formulario · no ordenador
Inicio do panel da oficina de ACV 21: o saúdo co día, seis tarxetas —tarefas abertas, atrasadas, leads da web sen atender, solicitudes de colaboradores, seguimentos de venda cruzada e tarefas en curso do equipo— e os próximos vencementos.
Panel da oficina · inicioInterface real, con datos de mostra
Prospección de empresas no panel de ACV 21: empresas inventadas da zona para ofrecer saúde colectiva, con importar e exportar, os contadores por estado, filtros por concello, sector e cadro de persoal, e en que punto está cada unha.
Panel · prospección de empresasInterface real, con datos de mostra
Venda cruzada no panel de ACV 21: a última importación da carteira, as súas cifras —clientes, pólizas en vigor, saúde sen decesos, fogar sen saúde, só un ramo— e cada cliente inventado co que ten, o que lle falta, o seu estado e cando volver chamar.
Panel · venda cruzadaInterface real, con datos de mostra
O formulario de orzamento de ACV 21 no móbil: o primeiro paso, escoller entre oito tipos de seguro.
Formulario · primeiro, o ramo
O taboleiro de tarefas no móbil: os catro contadores, os filtros e as lapelas de pendente, en curso e feita, coa barra de seccións abaixo.
Panel no móbilInterface real, con datos de mostra

01

O punto de partida

Unha axencia de seguros depende das solicitudes que recibe e de non perder ningunha. Victoria Carballo, axente exclusiva de SegurCaixa Adeslas, atende desde a súa oficina de Nigrán a clientes de toda España, e o que sabe de cada seguro quedaba na conversa.

01

Que pedir orzamento custe o mínimo

Un cuestionario longo desanima; un curto non permite preparar a oferta. Había que pedir primeiro os datos básicos e o detalle só cando corresponde.

02

Recibir cada solicitude coa información necesaria

Que cada solicitude entre na oficina co necesario para saber a quen preparar oferta e a quen chamar antes.

03

Ordenar o traballo da oficina

O reparto do traballo ía por mensaxes e as renovacións dependían da memoria. Facía falta un sitio onde asignar tarefas, anotar e programar recordatorios.

02

A decisión

Tres ferramentas cun mesmo obxectivo: que pedir orzamento sexa fácil, que a oficina reciba cada solicitude coa información necesaria e que nada se perda polo camiño.

03

O que construímos

  1. Captar

    Web pública

    Contidos sobre cada seguro, escritos desde como se explica na oficina.

    • Unha web de cincuenta e tres páxinas: a ficha de cada un dos vinte e tres produtos e vinte e seis páxinas sobre saúde por necesidade, seguros para negocios e seguros por momento vital.
    • As cincuenta e tres levan datos estruturados; as vinte e tres fichas, co produto descrito neles.
    • O contido traslada ao percorrido dixital o que Victoria Carballo explica a cada cliente en persoa.

  2. Recoller

    Formulario de orzamento

    Pide primeiro os datos básicos; o detalle, só cando corresponde.

    • Oito ramos de seguro. Pide os datos básicos —ramo, nome, teléfono e correo— e só despois ofrece o cuestionario detallado, que é opcional.
    • Corenta e oito preguntas repartidas entre os oito ramos, que só aparecen segundo o seguro: o ano de construción se é unha casa, a marca e o modelo se é un coche, o destino e as datas se é unha viaxe.
    • Cada solicitude queda rexistrada e chega á oficina por correo, coas respostas do cuestionario se as hai.
    • Consentimento expreso de protección de datos e de comunicacións, separados.

  3. Traballar

    Panel da oficina

    O traballo da oficina e o dos seus colaboradores, nun só sitio.

    • Inicio do día, taboleiro de tarefas con asignación, anotacións e historial, calendario e chat do equipo.
    • Prospección de empresas para seguros colectivos, venda cruzada sobre a carteira de clientes e campañas, cada oportunidade co seu estado e o seu seguimento; e un recomendador que propón o produto que mellor encaixa co que se sabe do cliente.
    • O portal dos colaboradores externos, na mesma aplicación: piden orzamento cos datos do cliente e seguen cada solicitude coa oficina.
    • Tres perfís —quen administra, quen traballa na oficina e quen colabora desde fóra— e cada un ve e cambia só o que lle toca: impono a base de datos, non a pantalla.
    • Instalable como aplicación no móbil e no ordenador.

04

Resultado e estado

O que hai en funcionamento. Non publicamos cifras de conversión porque non as medimos.

01

Pedir orzamento empeza con catro datos

Ramo, nome, teléfono e correo. Quen quere achegar máis detalle, pode; quen non, xa enviou a súa solicitude.

02

Cada solicitude, na oficina

Queda rexistrada e chega por correo á oficina coas respostas que dese quen a envía.

03

Contidos por seguro

Cincuenta e tres páxinas, todas con datos estruturados: unha ficha por produto e páxinas sobre saúde por necesidade, seguros para negocios e seguros por momento vital.

Como se conectan

  1. Captar

    Web pública

    Quen busca un seguro concreto chega á páxina dese seguro, non a unha portada xenérica.

  2. Recoller

    Formulario de orzamento

    Os datos básicos primeiro e as preguntas específicas do seguro se quere. A solicitude queda rexistrada e avisa á oficina por correo.

  3. Traballar

    Panel da oficina

    O traballo da oficina repártese en tarefas, con asignación, anotacións e historial, e no mesmo sitio están o calendario, a prospección, a venda cruzada e as solicitudes dos colaboradores.

Automatización, entre as capas

O aviso de cada solicitude e as invitacións ao equipo saen por correo sen que ninguén os escriba.

Pedir orzamento empeza cos datos básicos.Atendelo empeza coa información xa na mesa.

A ferramenta máis diferencial

O formulario que adapta as súas preguntas

O valor do encargo está en como pregunta o formulario. Cada seguro necesita información distinta, e pídese só cando corresponde.

Os módulos

  1. 01

    Datos básicos para iniciar a solicitude

    Ramo, nome, teléfono e correo: o necesario para poder chamar.

  2. 02

    O cuestionario detallado, opcional

    Corenta e oito preguntas repartidas entre os oito ramos, que só aparecen cando corresponden.

  3. 03

    Preguntas específicas segundo o seguro

    O ano de construción se é unha casa, a marca e o modelo se é un coche, o destino e as datas se é unha viaxe.

  4. 04

    A solicitude, na oficina

    Chega por correo co ramo, o contacto e as respostas, se as hai: a oferta pódese preparar antes de chamar.

  5. 05

    Consenti­mentos separados

    Protección de datos por un lado e comunicacións por outro, os dous expresos.

Unha base común

  • Oito ramos de seguro, unha soa porta de entrada.
  • O que a oficina sabe de cada seguro, convertido na pregunta xusta.

Proxectos relacionados

Asesoría fiscal, laboral e xurídica

ESECE

O mesmo enfoque á escala dunha asesoría con equipo: web, área de clientes e xestor.

Ver o proxecto

Adestramento persoal e grupos reducidos · Vigo

202 Entrenamiento Personal

Web, panel do centro e aplicación de adestramento para un centro de adestramento persoal en Vigo.

Ver o proxecto

Servizo 01

Desenvolvemento de negocio

O servizo que este traballo demostra: analizar como chegan os clientes antes de construír nada.

Ver este servizo

O teu negocio necesita algo así?

Antes de construír nada revisamos como chegan os teus clientes e en que se vai o tempo de traballo. Cóntanos que tes hoxe e dirémosche que conviría mellorar, e que non.

Falar dun proxecto← Volver aos proxectos