GalegoES
Carballo EstudioEstudio en Vigo, Galicia
Software de xestión adaptado ao teu negocio.
Desenvolvemos ferramentas para organizar clientes, tarefas, reservas, cobros e outros procesos da túa empresa. Definimos contigo as funcións necesarias e os permisos de cada persoa do equipo.
As funcións que necesitas.Adaptado a como traballas.Cos teus datos na túa conta.
Sen pantallas de máis
01
Que resolve
01
O negocio vive entre follas e cadernos
Clientes, reservas, cobros e tarefas repartidos entre follas de cálculo e anotacións. Funciona ata que o volume medra.
02
Usas un programa xenérico a medias
Un programa pensado para outro tipo de empresa, cun fluxo de traballo que non é o teu e funcións que ninguén utiliza.
03
O equipo non traballa sobre o mesmo
Cada persoa ten a súa copia da información e ninguén sabe que cambiou nin cando. Cada actualización depende de que alguén avise.
02
Que facemos
Necesidades do equipo
Revisamos os procesos que debe resolver a ferramenta e que parte do traballo convén resolver con ela.
Funcións e pantallas
Definimos que necesita facer cada usuario e con que información, sen engadir o que non se vai usar.
Desenvolvemento e revisión
Construímos a solución e revisamos os avances contigo. Instálase como aplicación no móbil e no ordenador.
Posta en marcha
Preparamos os datos, os accesos e a formación acordada. Cada persoa ve o que lle corresponde, con permisos e rexistro de cambios.
03
Como traballamos
01
Encadre
Revisamos o proceso actual, quen intervén e que parte convén resolver cunha ferramenta.
02
Estrutura
Que pantallas fan falta, que datos garda cada unha e quen pode ver que.
03
Deseño e desenvolvemento
Podes revisar os avances desde unha ligazón privada, nos momentos acordados.
04
Posta en marcha
Cos datos definitivos, instalada nos dispositivos do equipo e coa formación acordada.
04
Cando ten sentido
Ten sentido se…
- Xestionas o negocio entre follas de cálculo e anotacións.
- Usas un programa xenérico que non se adapta á túa forma de traballar.
- Recibes solicitudes e o seu seguimento pérdese entre mensaxes e correos.
Convén valoralo antes se…
- Un programa existente cobre ben os teus procesos: valorámolo no encadre, porque adoita ser máis económico.
- O proceso aínda non está definido: convén ordenalo antes de construír a ferramenta.
- Necesitas a ferramenta de inmediato: a análise previa forma parte do encargo e leva o seu tempo.
Proxectos relacionados
Asesoría fiscal, laboral e xurídica
ESECE
Xestor de equipo para unhas vinte persoas e área de clientes, cunha proba automática que percorre o circuíto entre o despacho e un cliente.
Ver o proxecto
Adestramento persoal e grupos reducidos · Vigo
202 Entrenamiento Personal
Clientes, tarifas, reservas, gastos e contas nunha ferramenta instalable no móbil.
Ver o proxecto
Seguros · axente exclusivo de SegurCaixa Adeslas
ACV 21
Panel de tarefas para a oficina con asignación, historial e calendario de vencementos.
Ver o proxecto
Preguntas frecuentes
Pódese empezar pequeno?
Si. Podemos comezar polas funcións prioritarias e ampliar a ferramenta conforme aparezan novas necesidades. Así non pagas nin mantés o que non usas.
E se un día deixamos de traballar xuntos?
A proposta especifica que código, datos, accesos e documentación se entregan, e que servizos fan falta para manter o sistema en funcionamento. Os teus datos están na túa conta e pódense exportar.
En Vigo ou onde estea?
Traballamos desde Vigo con negocios de toda España. As revisións e a formación poden facerse por videochamada.
E o mantemento?
Coa iguala mensual, mantemento e melloras cun resumo mensual do traballo. Ademais, cada orzamento detalla os custos de aloxamento e servizos externos que necesite o sistema.
Canto tarda e canto custa?
Depende do alcance. O orzamento entrégase por escrito despois do encadre, que é onde se decide que fai falta construír, e inclúe os custos de desenvolvemento, aloxamento e servizos externos que apliquen.
Primeiro, unha valoración gratuíta.
Envíanos o enderezo da túa web e unha breve explicación do teu negocio. Responderémosche por correo cunha primeira valoración do que conviría mellorar.