Estudio en Vigo, Galicia
En que se che vai o día — e canto diso sobra.
As horas que se van en pasar datos dun papel a unha folla, dunha folla a un correo e dun correo á memoria non as cobra ninguén. Miramos a túa semana de traballo real, atopamos onde escapa o tempo, e decidimos xuntos que se automatiza, que se xunta, que sobra — e que hai que deixar exactamente como está.
Primeiro ordenar, despois automatizar
A tentación é mercar unha ferramenta e esperar que ordene o traballo soa. Vai ao revés: automatizar un lío só che dá un lío máis rápido. Primeiro debúxase o proceso como é —quen fai que, cando e con que—, recórtase o que sobra, e só entón decídese se fai falta construír algo.
Ás veces a resposta é un cambio de hábito e un modelo. Ás veces é un xestor de nove táboas. E ás veces é un sistema de trinta e nove. A diferenza márcaa o teu negocio, non o noso catálogo.
Como se mide
O encargo empeza cunha pregunta incómoda: cantas horas á semana se che van en papelame que ninguén paga? E remata con esa mesma pregunta respondida doutra maneira. Sen porcentaxes inventadas — coa túa propia conta de horas antes e despois, que é a única medida que che importa.
A proba
Nada do de arriba é unha promesa: está construído e publicado coas súas cifras contadas sobre o código. Os expedientes pódense ler enteiros.
ESECE
Unha asesoría enteira pasada de traballar sobre o correo a traballar por sistema: permisos, rexistro e papeleira no canto de bandexa de entrada.
202 Entrenamiento Personal
Clientes, reservas e contas que vivían en papeis, nun xestor do tamaño xusto: nove táboas.