Ir ao contido

GalegoES

Carballo Estudio

Produto propio

Landra: produto propio de Carballo Estudio

As túas contas, ao día.

Pantalla de inicio de Landra no ordenador: o saúdo co que hai hoxe (tarefas, unha cita, movementos por clasificar e facturas vencidas), o dispoñible real de 15.268,17 euros co seu desglose —saldo no banco, IVE pendente, Imposto sobre Sociedades estimado e retencións por ingresar— e seis tarxetas co facturado, o cobrado, os gastos, o resultado, o banco e o pendente de cobro.o Excel de clientes, agora en Contactosas facturas en Word, agora en Ingresosos tiques nun caixón, agora en Gastoso banco noutra lapela, agora en Bancoscanto pago este trimestre?, agora en Impuestosos PDF perdidos no correo, agora en Documentosos pósits, agora en Tareasa axenda de papel, agora en Calendarioo informe do mes, á man, agora en Informes
Landra, o noso produto: contactos, facturas, gastos, banco, impostos, documentos, tarefas e calendario nun só sitio. Interface real, con datos de mostra.

Un panel de xestión para empresas e autónomos: orzamentos, facturas e cobros, gastos, banco, impostos cos seus borradores, documentos, tarefas e calendario nun só sitio. Non é un ERP nin unha contabilidade oficial: é o cadro de mando do día a día, e deixa preparado o que se presenta a Facenda.

Para quen
Empresas e autónomos que queren levar as súas contas ao día sen montar un ERP. Distingue os dous casos: á sociedade estímalle o Imposto sobre Sociedades e ao autónomo, a retención das súas facturas e o modelo 130.
Que resolve
Saber, ao abrilo, canto diñeiro queda de verdade dispoñible: o que hai no banco menos o IVE pendente, o imposto estimado e as retencións por ingresar. Non confundir o que se factura co que se cobra. E chegar ao trimestre cos borradores e os libros feitos.
Quen o fai
Carballo Estudio. Definímolo, deseñámolo, programámolo e puxémolo en produción, e mantémolo. Naceu como a ferramenta coa que a sociedade que hai detrás do estudio leva as súas propias contas.
Estado
En produción. Úsano a sociedade do estudio e outros usuarios, polo de agora sen custo; éntrase por invitación. A idea é ofrecerllo a quen o necesite.

landra.carballoestudio.es

Pantalla de inicio de Landra no ordenador: o saúdo co que hai hoxe (tarefas, unha cita, movementos por clasificar e facturas vencidas), o dispoñible real de 15.268,17 euros co seu desglose —saldo no banco, IVE pendente, Imposto sobre Sociedades estimado e retencións por ingresar— e seis tarxetas co facturado, o cobrado, os gastos, o resultado, o banco e o pendente de cobro.
Inicio de Landra no móbil: o que hai hoxe, os accesos para rexistrar un gasto, subir un extracto ou facer unha factura, o dispoñible real co seu desglose e, abaixo, a barra con Inicio, Ingresos, o botón Nuevo, Gastos e Más.
O dispoñible real: o que queda no banco despois de apartar os impostos.Interface real, con datos de mostra

Que permite facer

  • Facturas e cobrosSeries correlativas, IVE por liña e, no que vai sen IVE, o motivo co seu artigo. Retencións, rectificativas, igualas que se repiten soas, envío por correo e recordatorios de cobro. Emitir non é cobrar: a factura dáse por cobrada cando entra o diñeiro.
  • Orzamentos e proformasCunha ligazón que o cliente abre sen conta para aceptalo co seu nome ou rexeitalo; ao aceptalo, Landra crea a tarefa de facturalo. Factúrase enteiro ou por anticipos, e queda á vista o que falta.
  • Noutras moedasFacturas en dólares, libras ou a moeda que faga falta, ao cambio do BCE da súa data. O IVE e os impostos cóntanse en euros, e cada cobro garda os euros que entraron de verdade.
  • O banco, conciliadoO extracto de calquera banco español en Norma 43, ou en Excel, CSV ou OFX, sen duplicados. Landra propón con que factura, gasto, remesa ou imposto casa cada movemento. Revolut Business pódese conectar só en lectura.
  • Domiciliacións SEPAOrdes de domiciliación co modelo da AEB para que as asine o cliente, remesas de recibos no ficheiro que pide o banco e devolucións, a man ou co ficheiro do banco. Enviar non é cobrar: cóbrase ao conciliar o abono.
  • Gastos e provedoresCoa factura ou a foto do tíquet, o IVE deducible, as retencións, a inversión do suxeito pasivo e o aviso do xustificante que falta. Cada gasto vincúlase automaticamente co seu provedor.
  • Os impostos, á vistaO IVE de cada trimestre, o Imposto sobre Sociedades ou o 130 do autónomo e as retencións do 111 e o 115, co seu prazo. É unha estimación interna para saber canto apartar, e dio na pantalla.
  • Facenda, preparadaBorradores do 303, o 130, o 111 e o 115 coas súas casas e o ficheiro para a AEAT, e os libros rexistro de IVE e IRPF: Landra non presenta nada, déixao listo. E está adaptada a VERI*FACTU: o rexistro encadeado que pide a súa orde e o envío a Facenda, sen activar mentres sigan cambiando as datas da obriga.
  • Facturae, para a administraciónPara facturar a un concello ou a un ministerio: o ficheiro en Facturae 3.2.2 cos códigos DIR3 do cliente, listo para asinalo en AutoFirma e subilo a FACe. Landra apunta cando se presentou e con que rexistro.
  • InformesA conta de resultados mes a mes, a facturación, os clientes, os gastos por categoría, a tesouraría e o modelo 347, exportables.
  • Documentos, tarefas e calendarioDocumentos en cartafoles e unidos ao seu cliente, factura ou gasto; tarefas en columnas; citas con hora que se poden ver no calendario do teléfono.
  • Os teus datos e o teu equipoClientes, facturas e gastos tráense doutro programa cun Excel ou un CSV, e pódese descargar unha copia dos teus datos. Cada empresa invita ao seu equipo e ve só os seus datos; quen administra Landra non os ve. Instálase coma unha app e éntrase con Face ID ou coa pegada.

De onde sae

Landra

Dunha ferramenta propia a un produto.

Landra empezou como o panel co que a sociedade que hai detrás do estudio leva as súas contas: facturar, ver que se cobrou, conciliar o banco e saber canto apartar para impostos.

Cando funcionou para nós, convertémolo en produto: varias empresas, cada unha cos seus datos; invitacións; autónomos ademais de sociedades; instalable coma unha app. Despois chegaron os orzamentos, as domiciliacións, as outras moedas, a factura electrónica para a administración e os borradores para Facenda.

É o mesmo que facemos para os nosos clientes, feito para nós: detectar unha necesidade, definir o produto, deseñalo, programalo, poñelo en produción e seguir mellorándoo con usuarios reais.

A pantalla de acceso de Landra en produción: á esquerda, sobre verde escuro, a landra, o nome, o lema e tres liñas do que fai; á dereita, o formulario para entrar.
landra.carballoestudio.esEn produción

Por dentro

Interface real, con datos de mostra

O que se ve ao usalo.

  1. O editor de facturas de Landra: a data da operación, os prazos de pagamento e a moeda; tres conceptos co seu prezo e o seu IVE e un cuarto no que, ao escribir «dir», Landra propón do catálogo «Dirección de obra (mensual)» co seu prezo e o seu IVE; á dereita, o resumo co total e o número que terá ao emitila.
    Facer unha facturaAo escribir o concepto saen os produtos e servizos gardados, co seu prezo e o seu IVE. Datas, prazo, moeda e o número que terá ao emitila. Unha vez emitida, non se toca.
  2. Unha factura en PDF feita por Landra para unha empresa inventada: o anticipo do 40 % dun orzamento, cos datos das dúas partes, o número, as datas, a conta para pagar, o IVE e o total de 3.208,92 euros.
    A factura, en PDFXéraa a propia aplicación ao emitila, cos datos da empresa e a conta para pagar. Esta é o anticipo do 40 % dun orzamento aceptado.
  3. Unha factura en dólares en Landra para unha empresa dos Estados Unidos: 3.850 dólares, que son 3.284,98 euros ao cambio da factura; vén dunha proforma, os seus conceptos van como non suxeitos ao IVE español e, á dereita, o cobrado e o pendente en dólares e en euros.
    Noutra moedaUnha factura en dólares a un cliente de fóra, cos seus euros ao cambio do BCE. Os conceptos din por que non levan IVE, e o cobro apunta os euros que entren de verdade.
  4. Un movemento do banco aberto en Landra: unha transferencia de 1.210 euros importada do extracto, a suxestión «Coincide con factura» co seu número, a súa clienta e unha confianza do 90 %, e os botóns para conciliala, vinculala a outra factura ou ao abono dunha remesa, ou marcala como revisada.
    Conciliar un movementoAo abrir un movemento do banco, Landra propón con que factura casa e con canta confianza. Concíliase e a factura queda cobrada.
  5. Unha remesa de domiciliacións en Landra: tres recibos dun cliente, cada un coa súa orde de domiciliación, que suman 1.742,40 euros; o aviso de subir o ficheiro ao banco antes do 6 de outubro para cobralo o 9, e os botóns para descargar o ficheiro e importar as devolucións.
    Unha remesa de recibosOs recibos, cada un coa orde asinada do cliente, no ficheiro SEPA que se sobe ao banco. O abono da remesa concíliase dunha vez e, se o banco devolve un recibo, a factura volve deber.
  6. A lista de gastos de Landra: o total do ano, o IVE deducible, os gastos sen xustificante e o pendente de pagar; e cada gasto co seu provedor, a súa categoría, o seu IVE —un, autoliquidado por inversión do suxeito pasivo—, se está pagado, se ten a factura e se está conciliado co banco.
    GastosCada gasto co seu provedor, a súa categoría, o seu IVE deducible, se está pagado e conciliado, e se lle falta o xustificante.
  7. O borrador do modelo 303 do terceiro trimestre en Landra: cada importe na súa casa —o IVE devindicado, o deducible e, na 71, o resultado de 1.223,56 euros—, un aviso do que convén revisar antes de presentalo e os botóns para copiar as casas ou descargar o ficheiro para a AEAT.
    O borrador do 303As casas do modelo co rexistrado en Landra, o que convén revisar e o ficheiro co formato da AEAT para presentalo na súa sede. Tamén o 130, o 111 e o 115.
  8. Os libros rexistro do terceiro trimestre en Landra: o libro de IVE no formato da AEAT, con 27 facturas emitidas e 36 recibidas; a comprobación de que cadra co borrador do 303, o aviso dun gasto ao que lle falta o número de factura e o botón para descargalo en Excel.
    Os libros rexistroOs de IVE e IRPF, no Excel da AEAT, para entregalos se os piden ou levalos á xestoría. Antes de descargalos, Landra di se cadran cos borradores e que convén revisar.
  9. Unha factura a un concello inventado en Landra e, á dereita, o panel da factura electrónica: o ficheiro Facturae xa preparado e os tres pasos que quedan, asinalo en AutoFirma, presentalo en FACe e anotar aquí o seu rexistro.
    Factura electrónicaPara a administración, o ficheiro en Facturae cos códigos DIR3 do cliente e os pasos que quedan: asinalo en AutoFirma, subilo a FACe e apuntar o rexistro que dá.
  10. A ficha dun cliente en Landra: os seus datos; o facturado, o cobrado e o pendente do ano, co vencido; as lapelas das súas facturas, orzamentos, cobros, documentos, tarefas e notas, e debaixo as súas facturas por cobrar e as súas próximas tarefas e citas.
    A ficha dun clienteO facturado, o cobrado e o pendente, as súas facturas por cobrar e as súas próximas citas, nunha soa pantalla.
  11. Informes de Landra: a conta de resultados de 2026, cun gráfico de barras de ingresos e gastos por mes e, debaixo, a táboa cos ingresos, os gastos, o resultado e a marxe de cada mes; arriba, as lapelas de facturación, clientes, gastos, tesouraría e o modelo 347.
    InformesA conta de resultados mes a mes, a facturación, os clientes, os gastos, a tesouraría e o modelo 347, exportables.
  12. O importador de Landra: un ficheiro de clientes doutro programa en vista previa, coas columnas recoñecidas, o que entra —catro clientes novos—, o que xa estaba —dous— e a fila que non entra e por que —fáltalle o nome—, antes de importar nada.
    Traer os datos doutro programaClientes, facturas e gastos desde un Excel ou un CSV. Landra recoñece as columnas e ensina fila a fila que entra, que xa estaba e que non e por que. Non duplica nada.
  • Gastos no móbil: os botóns para facer a foto do tíquet, subir a factura ou rexistrar un gasto, e o total do ano, o IVE deducible, os gastos sen xustificante e o pendente de pagar.
    No móbilInstálase coma unha app. O tíquet fotografíase no momento e queda unido ao seu gasto.
  • O botón Nuevo da barra do móbil, aberto: factura, orzamento, gasto, cliente, tarefa ou cita.
    Desde calquera pantallaNo centro da barra, o botón Nuevo: unha factura, un orzamento, un gasto, un cliente, unha tarefa ou unha cita.
  • A pantalla de acceso de Landra nun iPhone, co lema «Tus cuentas, al día» e o botón para entrar con Face ID.
    A entradaCo correo e o contrasinal ou, no teléfono, con Face ID ou coa pegada.

Como está feito

Contado sobre o seu código

Como está feito

  • As contas fainas a base de datos

    Totais, pendente, saldo, IVE e imposto saen de vistas e funcións da base de datos, non do navegador: o mesmo número en todas as pantallas.

  • As facturas emitidas non se tocan

    Unha factura emitida non se edita nin se borra: anúlase ou rectifícase, e conserva o seu número e a súa serie. O mesmo unha proforma que xa saíu de Landra.

  • Cada empresa ve só o seu

    Seguridade por filas en todas as táboas, documentos nun almacén privado que se abren con ligazóns que caducan e un rexistro das operacións sensibles.

  • Comprobado co oficial

    Os libros rexistro, pasados polo validador da AEAT; os ficheiros de Facturae e os rexistros de VERI*FACTU, polos seus esquemas oficiais; e a pegada de cada rexistro, cos exemplos da propia especificación.

  • Adaptada a VERI*FACTU

    Cada rexistro leva a pegada do anterior; calcúlaa a base de datos na mesma operación que emite ou anula a factura, e o gardado non se pode cambiar despois. Está sen activar: as datas da obriga seguen cambiando.

  • Probas automáticas

    Da lóxica de importes e datas, das regras da base de datos e dos percorridos principais da aplicación.

migracións da base de datos
45
táboas, todas con seguridade por filas
57
políticas de seguridade
148
vistas da base de datos
24
probas unitarias
992

Contado o 5 de outubro de 2026 sobre o código de Landra: ficheiros de migración, táboas e vistas que deixa a base de datos ao aplicalas, políticas de seguridade por filas e probas unitarias escritas.

Contacto

Falar dun proxecto

Interésache Landra?

Se levas unha empresa ou es autónomo e queres probalo, escríbenos. E se o que necesitas é unha ferramenta así feita para o teu negocio, tamén: é o que facemos.

Escribirnoshola@carballoestudio.es